جماعت اسلامی کی درخواست پر کراچی کی 3 یوسیز کے نتائج روک دیئے گئے
الیکشن کمیشن نے صفورہ ٹاؤن کی 2 ،چنیسرٹاؤن کی ایک یونین کونسل کے نتائج روک دیئے۔
الیکشن کمیشن میں کراچی کی 3 یونین کونسلز میں بے ضابطگیوں کیخلاف جماعت اسلامی کی درخواست پر سماعت ہوئی۔
جماعت اسلام کے وکیل حسن جاوید نے الیکشن کمیشن کے سامنے مؤقف پیش کیا کہ فارم 11 کے مطابق صفورہ ٹاؤن کی دو اور چنیسر ٹاؤن کی ایک یونین کونسل میں جماعت اسلامی کامیاب ہوئی تھی۔
وکیل حسن جاوید نے مؤقف پیش کیا کہ آر او کے جاری نتائج میں مخالف امیدواروں کو کامیاب قرار دیا گیا، اور آر او نے نتائج تبدیل کرکے 2 سیٹیں پیپلزپارٹی ایک پی ٹی آئی کو دے دی۔
الیکشن کمیشن پنجاب کے ممبر بابر بھروانہ نے کہا کہ کراچی کی چھ یونین کونسلز کا کیس کل سنا تھا، بظاہر کل اور آج والے مقدمات ایک جیسے ہیں۔
الیکشن کمیشن نے صفورہ ٹاؤن کی یوسی ایک اور 8، جب کہ چنیسرٹاؤن کی ایک یونین کونسل 6 کے نتائج روک دیئے، اور تینوں یونین کونسلز کا مقدمہ دیگر 6 یونین کونسلز والے کیس کےساتھ منسلک کر دیا۔