ملک میں نئے صوبوں کے قیام کےلیے خصوصی کمیٹی تشکیل

اسپیکر قومی اسمبلی راجہ پرویز اشرف نے ملک میں نئے صوبوں کے قیام کےلیے خصوصی کمیٹی تشکیل دیدی۔

وفاقی وزیر سید خورشید شاہ کی سربراہی میں آئینی ترامیم کیلئے خصوصی کمیٹی میں مرتضیٰ جاوید عباسی،خالد مگسی، نوید جیوا ، رمیش کمار،نزہت پٹھان اورصابرحسین شامل ہیں۔

کمیٹی آرٹیکل 25بی،51، 63بی،92 اور 106 میں ترمیمی بل کا جائزہ لے گی۔ کمیٹی ترامیم اورصوبوں کےقیام سے متعلق اپنی سفارشات تیس روز میں پیش کرے گی۔