پاکستان کی استنبول میں دہشتگرد حملے کی شدید مذمت

وزیر خارجہ بلاول بھٹو زرداری نے استنبول کے مشہور تقسیم اسکوائر میں ہونے والے دھماکے میں قیمتی جانی نقصان پر گہرے دکھ اور افسوس کا اظہار کیا۔

دفتر خارجہ سے جاری بیان کے مطابق انہوں نے کہا کہ دکھ کی اس گھڑی میں ہم اپنے ترک بھائیوں کے ساتھ مکمل یکجہتی کے ساتھ کھڑے ہیں اور سوگوار خاندانوں اور ترکیہ کے برادر لوگوں سے دلی تعزیت کرتے ہیں۔

مزید پڑھیں: ترکیہ کے دارالحکومت استنبول میں دھماکا،6 افراد جاں بحق،متعدد زخمی

دریں اثنا ترجمان دفتر خارجہ نے اپنے بیان میں کہا کہ متاثرہ خاندانوں سے دلی تعزیت کرتے ہیں اور زخمیوں کی جلد صحتیابی کیلئے دعاگو ہیں، پاکستان اس مشکل گھڑی میں ترکیہ کےعوام کے ساتھ کھڑا ہے، یقین ہے ترک عوام امن واستحکام کونقصان پہنچانے کی ہرکوشش ناکام بنادیں گے۔