وزیراعظم شہباز شریف کا حالیہ دورہ متحدہ عرب امارات رنگ لے آیا

وزیر خزانہ اسحاق ڈار کی جانب سے مائیکرو بلاگنگ سائٹ پر ٹویٹ کے ذریعے تصدیق بھی کی گئی۔**

ابوظہبی ترقیاتی فنڈ نے اسٹیٹ بینک آف پاکستان میں جمع کروائے گئے دو ارب ڈالر کی ادائیگی مؤخر کر دی۔

وزیر خزانہ اسحاق ڈار نے ٹویٹر پیغام میں تصدیق کرتے ہوئے بتایا کہ یو اے ای نے دو ارب ڈالر ڈیپازٹس رول اوور کر دیئے ہیں۔ وزیراعظم شہباز شریف نے یو اے ای کے صدر سے مذاکرات میں دو ارب ڈالر رول اوور کرنے کی بات کی تھی۔

ٹوئٹر پر جاری بیان میں وزیر خزانہ اسحاق ڈار نے کہا کہ وزیر اعظم شہباز شریف نے گزشتہ ہفتے متحدہ عرب امارات کے سرکاری دورے کے دوران صدر یو اے ای سے 2 ارب ڈالر رول اوور کرنے پر بات چیت کی تھی۔

وزیر خزانہ نے اپنی ٹوئٹ میں پاکستان متحدہ عرب امارات دوستی زندہ باد بھی لکھا۔