پنجاب میں دھند کا راج، شہریوں کو مشکلات کا سامنا

ترجمان موٹر وے پولیس کے مطابق موٹر وے ایم 2 لاہور سے شیخوپورہ تک شدید دھند کی وجہ سے بند کی گئی ہے۔ لاہور ملتان موٹر وے ایم 3 کو فیض پور سے رجانہ تک، لاہور سیالکوٹ موٹر وے بھی دھند کی وجہ سے بند کی گئی ہے۔

ترجمان موٹر وے پولیس نے مزید بتایا کہ موٹر وے ایم 1 کو پشاور ٹول پلازہ سے برہان تک اور سوات ایکپریس وے کرنل شیر خان سے اسماعیلہ تک بند ہے۔

پولیس کی جانب سے عوام سے اپیل کرتے ہوئے کہا گیا ہے کہ ڈرائیورز فوگ لائٹس کا استعمال کریں اور غیر ضروری ڈرائیونگ سے گریز کریں۔ جب کہ کسی بھی معلومات اور مدد کی صورت میں موٹر وے پولیس کے ہیلپ لائن نمبر 130 پر رابطہ کریں۔

ترجمان موٹروے پولیس کا کہنا ہے کہ روڈ یوزرز آگے اور پیچھے دھند والی لائٹس کا استعمال کریں۔ تیز رفتاری سے پرہیز کریں اور اگلی گاڑی سے مناسب فاصلہ رکھیں۔ موٹروے پولیس ہمسفر ایپ سے بھی معلومات لی جاسکتی ہیں۔