دادو میں زلزلے کے جھٹکے، لوگوں میں خوف و ہراس
سندھ کے ضلع دادو میں زلزلے نے خوف و ہراس پھیلا دیا، تاحال کسی جانی یا مالی نقصان کی اطلاع نہیں ملی۔
زلزلہ پیما مرکز کے مطابق سندھ کے ضلع دادو میں 4.5 شدت کا زلزلہ آیا، جس کا مرکز 64 کلو میٹر جنوب مغرب میں تھا جبکہ اس کی گہرائی 20 کلو میٹر ریکارڈ کی گئی۔
زلزلے کے باعث لوگوں میں خوف وہراس پھیل گیا، شہری گھروں سے باہر نکل آئے اور کلمہ طیبہ کا ورد شروع کردیا۔
رپورٹ کے مطابق تاحال کسی جانی و مالی نقصان کی کوئی اطلاع نہیں ملی۔