اسلام آباد میں پارک میں لڑکی سے زیادتی کے 2 ملزمان مبینہ پولیس مقابلے میں ہلاک

اسلام آباد پولیس کے مطابق بدھ اور جمعرات کی درمیانی شب دیر گئے، سیکٹر ڈی 12 ناکے پر ایک موٹرسائیکل کو روکا گیا، تو اس پر سوار دو افراد نے اہلکاروں پر فائرنگ کر دی۔

پولیس کی جوابی کارروائی میں دونوں گولیاں لگنے سے زخمی ہوگئے ۔ ان کو پمز اسپتال پہنچایا گیا مگر جانبر نہ ہو سکے ۔

شناخت پر پتہ چلا کہ مارے جانے والے ایف نائن پارک میں لڑکی سے زیادتی کے ملزم تھے۔

زیادتی کیس کیا ہے

رواں ماہ (فروری 2023) کے وائل میں اسلام آباد کے سیکٹر ایف نائن میں واقع ایک پارک میں ایک لڑکی کو اجتماعی زیادتی کا نشانہ بنایا گیا تھا۔

پولیس نے سی سی ٹی وی کیمروں کی مدد سے ملزمان کی شناخت کی تھی۔ دوران تفتیش یہ معلوم ہوا تھا کہ ملزمان پہلے بھی مجرمانہ کارروائیوں میں ملوث رہے ہیں۔