معدنیات سے متعلق صحیح فیصلے ہوں تو آئی ایم ایف کی طرف نہیں دیکھنا پڑیگا، وزیراعلیٰ بلوچستان

کوئٹہ میں صحافیوں سے بات چیت کرتے ہوئے وزیراعلیٰ بلوچستان عبدالقدوس بزنجو نے کہا کہ عالمی عدالت میں اپنا کیس ہار چکے تھے، لیکن ہارے ہوئے کیس میں اپنا حصہ لینا بڑی کامیابی ہے۔

ان کا کہنا ہے کہ صوبائی حکومت نے ریکوڈک کے حوالے سے جو اچیومنٹ حاصل کی ہے اس کا کریڈٹ نواب محمد اسلم رئیسانی کو بھی جاتا ہے، اگر وہ اس وقت اسٹینڈ نہیں لیتے تو آج ہمیں اربوں روپے نہیں ملتے۔

وزیراعلیٰ بلوچستان نے کہا کہ مائنز اینڈ منرلز کے حوالے سے سمری پر سو بار سوچا جاتا ہے، ہمیں اپنی قیمتی چیزوں کا خیال رکھنے کی ضرورت ہے، ملکی معیشت ابتر صورتحال سے گزر رہی ہے۔

انہوں نے کہا کہ پاکستان کی تاریخ میں 8 ارب ڈالر جتنا بڑا معاہدہ نہیں ہوا ہوگا۔