دوہرے ٹیکس کا خاتمہ، پاکستان اور افغانستان نے معاہدے پر دستخط کردیئے

پاکستان اور افغانستان کے وفود کے درمیان فیڈرل بورڈ آف ریونیو میں مذاکرات کا تیسرا دور ہوا، تفصیلی بات چیت کے بعد فریقین نے دوہرے ٹیکس سے بچنے کے متفقہ مسودے پر اتفاق کرلیا، متفقہ مسودے پر دونوں وفود کے سربراہان نے دستخط بھی کردیئے۔

افغان وفد کی سربراہی ڈائریکٹر ریونیو لیگل سروسز ندا محمد صدیقی نے کی، پاکستانی وفد کی سربراہی ڈائریکٹر جنرل انٹرنیشنل ٹیکس آپریشنز، ایف بی آر کے ڈائریکٹر جنرل ساجد اللہ صدیقی نے کی۔

چیئرمین ایف بی آر عاصم احمد کا کہنا ہے کہ کنونشن سے دونوں برادر ممالک کے درمیان اقتصادی تعلقات مزید مضبوط ہوں گے۔