وفاقی کابینہ کا توشہ خانہ کا ریکارڈ منظر عام پر لانے کا عندیہ

وزیر اعظم آفس اسلام آباد میں وزیر اعظم شہباز شریف کی سربراہی میں کابنہ کا اجلاس ہوا جس میں ملک کی موجودہ سیاسی صورت ھال اور دیگر معاملات پر تفصیلی غور کیا گیا۔

توشہ خانہ کا ریکارڈ منظرعام پرلانے کا عندیہ

کابینہ اجلاس میں توشہ خانہ پالیسی کا ریکارڈ پبلک کرنے کے معاملے کا جائزہ لیا گیا۔ کابینہ ارکان کی اکثریت نے معلومات تک عوام کو رسائی دینے کی سفارش کر دی۔

اجلاس کے دوران کابینہ نے توشہ خانہ پالیسی میں ردوبدل کا فیصلہ کرتے ہوئے توشہ خانہ کا ریکارڈ منظر عام پر لانے کا عندیہ دے دیا۔

بجلی بریک ڈاؤن پر رپورٹ طلب

اجلاس کے دوران کابینہ کو توانائی بچت پلان پر بھی بریفنگ دی گئی۔ وزیر اعظم نے گزشتہ روز ہونے والے بریک ڈاؤن پر سخت برہمی کا اظہار کیا۔

وزیراعظم نے بجلی بریک ڈاؤن سے متعلق رپورٹ طلب کرتے ہوئے کہا کہ غفلت کے مرتکب افراد کے خلاف سخت ایکشن لیا جائے۔