پنجاب اسمبلی تحلیل نہیں ہو گی، الیکشن کا کوئی امکان نہیں، چوہدری شجاعت

ق لیگ کے صدر چوہدری شجاعت سے جے یوآئی کے جنرل سیکرٹری مولانا غفور حیدری نے وفد کے ہمراہ ملاقات کی۔ ملاقات میں ملک کی بہتری کیلئے معاشی سیاسی معاملات پر گفتگو ہوئی۔

ملاقات میں مولانا عبدالغفور حیدری نے چوہدری شجاعت کو بلوچستان میں عوام کو درپیش مشکلات، خصوصاً آٹے کی قلت سے آگاہ کیا۔

چوہدری شجاعت کا کہنا تھا کہ آٹے کی بڑھتی قیمتوں سے عام آدمی بہت زیادہ پریشان ہے، صوبائی حکومتوں کا فرض ہے کہ روزمرہ استعمال کی اشیاء مہنگی ہونے پر ایکشن لیں۔

سربراہ ق لیگ نے کہا کہ تمام لیڈران اپنی اپنی بولی بولنے کی بجائے اکٹھے ہو کر ملکی مسائل حل کریں تمام سیاستدان اکٹھے ہوکر صرف ایک ایجنڈے مہنگائی کو ختم کرنے پر کام کریں۔