قلات میں کار اور مسافر کوچ میں تصادم،4افراد جاں بحق
قلات میں غوث آباد قومی شاہراہ پر کار اور مسافر کوچ میں تصادم کے نتیجے میں 4افراد جاں بحق ہوگئے۔
پولیس کے مطابق غوث آباد کراس کے قریب قومی شاہراہ پر کار اور مسافر کوچ میں تصادم ہوا ہے۔
حکام کے مطابق حادثے میں کار میں سوار 4 افراد جاں بحق ہوگئے ہیں۔ پولیس نے لاشیں ڈی ایچ کیو منتقل کردیا۔
ریسکیو حکام کے مطابق مسافر کوچ کوئٹہ سے کراچی اور کار سوار کراچی سےکوئٹہ جارہے تھے۔