اولڈہم برطانیہ آل پارٹیز کشمیر پارلیمنٹری گروپ کی چیئرپرسن ڈیبی ابراہمز ایم پی(Debbie Abrahams MP),

پارلیمانی سکرٹری حکومت آزاد کشمیر تقدیس گیلانی، ڈپٹی لارڈ مئیر مانچسٹر کونسلر یاسمین ڈار،نے کہا ہے کہ ریاست جموں وکشمیر کے عوام کے بنیادی حق خودارردیت کے حصول کے لیے دنیا کے ہر فورم پر آواز بلند کی جائے گی، اور عالمی رائے عامہ کو یہ باور کرایا جائے گا کہ ریاست جموں وکشمیر کے مستقبل کا فیصلہ کرنے کا حق کشمیری عوام کاہے جسے اقوام متحدہ کے فورم پر پوری بھارت اور پاکستان سمیت پوری دنیا نے تسلیم کر رکھا ہے۔ کشمیری عوام اہل پاکستان اور حکومت پاکستان کے شکرگزار ہیں کہ وہ ہر سال ریاستی عوام کے ساتھ بھرپور یکجہتی کا اظہار کر کے دنیا بھر میں مسئلہ کشمیر کو اجاگر کرتے ہیں۔ ان خیالات کا اظہار انہوں نے برطانیہ کے شہر اولڈہم میں جموں وکشمیر تحریک حق خودارادیت انٹرنیشنل کے زیر اہتمام ”ہفتہ یکجہتی کشمیر“ کے سلسلہ میں پہلی بڑی تقریب سے خطاب کرتے ہوئے کیاجسکی میزبانی اور صدارت جموں وکشمیر تحریک حق خودارادیت انٹرنیشنل کے بانی چیئرمین راجہ نجابت حسین (ستارہ پاکستان) نے کی۔ اس افتتاحی تقریب میں طارق وزیر قونصل جنرل پاکستان مانچسٹر، مس زوبیہ خورشید راجہ یوتھ لیڈر پی پی پی آزاد کشمیر، سردار عبدالرحمن خان سرپرست تحریک حق خودارادیت، کونسلرنائلہ شریف چیئرپرسن JKSDMI نارتھ آف انگلینڈ، کونسلرصبیہ خان چیئرپرسن برٹش مسلم ویمنز فورم UK، ہیری بوٹا ایڈمنسٹریشن ڈائریکٹر تحریک حق خودارادیت، ذیشان عارف چیئرمین یوتھ ونگ تحریک حق خودارادیت یوتھ ونگ برطانیہ، ڈاکٹر محمد یونس پرویز، کونسلرالیون شاہ، ڈاکٹر محمد یونس پرویز۔ کونسلر السن گون(Cllr Alison Gwynne)کونسلر شاہد مشتاق، کونسلر نائلہ ابراہیم، کونسلر ربنواز اکبر، نغمانہ کنول شیخ، مسٹر امتیاز شیخ، یاسمین عالم، ثمینہ صغیر، پامیلا اشرف ملک، جاوید طارق، راجہ راشد حسین، چوہدری محمد اکرم، حاجی منظو،ر محمد خاقان عباسی، صوفی اکبر، راجہ سجاول خان، چوہدری شاہد الطاف، چوہدری محمد بشیر رٹوی، اور مختلف مکاتیب فکر سے تعلق رکھنے والے نمائندگان نے شرکت کی۔آل پارٹیز کشمیر پارلیمنٹری گروپ کی چیئرپرسن ڈیبی ابراہمز ایم پی(Debbie Abrahams MP),نے خطاب کرتے ہوئے کہا کہ مقبوضہ جموں وکشمیر کے عوام کے حق خودارادیت کے لیے ہر فورم پر آواز بلند کی جائے گی۔ انہوں نے کہا کہ پاکستان اور ہندوستان کو ریاست کے دونوں اطراف کے عوام کو ان کے بنیادی حقوق دینے چاہیں، ہندوستان مقبوضہ جموں وکشمیر کے اندر انسانی حقوق کی سنگین خلاف ورزیاں بند کرے۔ڈیبی ابراہمز نے کہا کہ کشمیریوں کا مسئلہ ان کے اُس بنیادی حق کا مسئلہ ہے جسے اقوام متحدہ نے اپنے فورم پر تسلیم کر رکھا ہے۔انہوں نے راجہ نجابت حسین کی قیادت میں تحریک حق خودارادیت کی ٹیم کی کاوشوں کو خراج تحسین پیش کرتے ہوئے انہیں ہر ممکن تعاون اور سرپرستی کا یقین دلایا۔ چیئرمین لیبر فرینڈز آف کشمیر برطانیہ شیڈو منسٹر اینڈریو گوائن ایم پی (Andrew Gwynne MP)نے خطاب کرتے ہوئے کہا کشمیر بائی لیٹرل مسئلہ نہیں ہے بلکہ ایک بین القوامی مسلہ ہے،کشمیری عوام 75 سالوں سے منقسم ہیں جس کا بہت نقصان ہو رہا ہے، کشمیریوں میں اتحاد و اتفاق وقت کی ضرورت ہے، اینڈویو گون نے کہا کہ کشمیریوں کی مرضی کے مطابق انہیں اپنا فیصلہ کرنے کا حق دیا جائے، پاکستان اوربھارت کشمیریوں کے مستقبل کا فیصلہ نہیں کر سکتے یہ حق صرف کشمیری عوام کا ہے کہ وہ اپنی آزادانہ مرضی سے اپنے مستقبل کا فیصلہ کریں اور اقوام متحدہ بھی انہیں یہ حق دیتی ہے۔ایم پی اینڈرویو گون نے راجہ نجابت حسین اور ان کی ٹیم کو مبارک باد دی اور تحریک حق خودارادیت کے کردار کو بھرپور سراہا۔ اور یقین دلایا کہ لیبر پارٹی کے فورم پر بھی وہ مسئلہ کشمیر کو بھرپور انداز میں اٹھائیں گے اور اس مقصد کے لئے تحریک حق خودارادیت کی بھرپور معاونت اور سرپرستی جاری رکھیں گے۔بانی، چیئرمین جموں کشمیر تحریک حق خوارادیت انٹرنیشنل راجہ نجابت حسین (ستارہ پاکستان)نے خطاب کرتے ہوئے کہا کہ ”یوم یکجہتی کشمیر“ پر ہم اہل پاکستان اور حکومت پاکستان کے شکر گزار ہیں کہ وہ ہر سال ریاست جموں وکشمیر کے عوام کے ساتھ یکجہتی کا بھرپور اظہار کر کے دنیا بھر کی توجہ اس اہم انسانی مسئلے کی طرف مبذول کراتے ہیں۔ انہوں نے کہا کہ ہندوستان نے مقبوضہ جموں وکشمیر میں انسانی حقوق کی سنگین خلاف ورزیاں جاری رکھی ہوئی ہیں، حریت کانفرنس کے دفاتر کو سیل کر کے حریت رہنماؤں کو پابند سلاسل کیا جا رہا ہے، معصوم کشمیری نوجوانوں، کا قتل عام اور خواتین و طالبات کی کی بے حرمتی کے واقعات میں آئے روز اضافہ ہو رہا ہے، مقبوضہ ریاست جموں وکشمیر میں غیر کشمیریوں اور ہندووں کی آبادکاری کر کے کشمیر کی ڈیمو گرافی کو تبدیل کیا جا رہا ہے۔ راجہ نجابت نے کہا کہ ہندوستان حکومت کے یہ تمام اقدامات عالمی قوانین کی صریحاً خلاف ورزی ہیں، جس کا عالمی اداروں کو فوری نوٹس لینا ہو گا۔ انہوں نے کہا کہ ہماری ٹیم دنیا کے ہر فورم پر لابی مہم کے طور پر کام کر رہی ہے، آج برطانیہ / یورپ کی پارلیمنٹس میں ہمیں اپنے مقاصد میں ممبران پارلیمنٹ کی بھرپور حمایت حاصل ہو رہی ہے جس کے مستقبل میں مثبت نتائج ہوں گے اور کشمیری عوام کو اپنی منزل کے حصول میں مدد ملے گی۔ انہوں نے برطانوی ممبران پارلیمنٹ خاص طور پر آل پارٹیز کشمیر پارلیمنٹری گروپ کی چیئرپرسن ڈیبی ابراہمز ایم پی(Debbie Abrahams MP), چیئرمین لیبر فرینڈز آف کشمیر برطانیہ شیڈو منسٹر اینڈریو گوائن ایم پی (Andrew Gwynne MP)کا تحریک کی سرپرستی اور معاونت پر شکریہ ادا کیا۔ آزاد کشمیر حکومت کی پارلیمانی سیکرٹری تقدیس گیلانی نے خطاب کرتے ہوئے کہا کہ آزاد کشمیر کے عوام مقبوضہ جموں وکشمیر کے عوام کے ساتھ ان کے شانہ بشانہ کھڑے ہیں،آزاد کشمیر کی حکومت کشمیریوں کی جدو جہد آزادی کو منظم کرنے اور اسے عالمی سطح پر اجاگر کرنے میں اپنا بھرپور کرادار ادا کر رہی ہے۔ پروفیسر تقدیس گیلانی ایم ایل اے پارلیمانی سیکرٹری حکومت آزاد کشمیر نے کہا کہ اور بھارتی غیر قانونی طور پر مقبوضہ جموں و کشمیر ریاست کے مصائب کے لیے آواز بلندکرنے کے لیے ڈائسپورہ کا کردار قابل تحسین ہے، انہوں نے راجہ نجابت حسین کی کوششوں کو سراہتے ہوئے کہا کہ راجہ نجابت حسین نے جہاں برطانیہ اور یورپ میں کشمیریوں کے بنیادی حق خودارادیت کا اجاگر کرنے میں بڑا کردار ادا کیا وہاں انہوں نے دنیا بھر کے اندر پاکستان کا امیج اجا گر کرنے میں بھرپور محنت کی جس کہ و جہ سے انہیں ستارہ پاکستان کا ایوارڈ بھی ملاہے۔جموں کشمیرتحریک حق خودارادیت انٹرنیشنل لیبر فرینڈز آف کشمیر اور اے پی پی جی کے تعاون سے آئندہ چند ہفتوں میں برطانیہ اور یورپ کے ساتھ ساتھ پاکستان اور آزاد کشمیر میں کشمیر کانفرنسیں اور سیمینارز منعقد کرنے کا فیصلہ کرے گی۔ اس تقریب سے خطاب کرتے ہوئے دیگر مقررین جن میں پارلیمنٹرینز اور کونسلرز شامل تھے نے برطانوی پارلیمنٹ کے ساتھ ساتھ برطانیہ بھر کے مختلف سٹی ہالز میں مسئلہ کشمیر کے لیے آواز اٹھانے کا وعدہ بھی کیا۔ تمام مقررین نے راجہ نجابت حسین اور تحریک حق خودارادیت کی ٹیم کے کشمیر کاز کے لیے ان کی مسلسل جدوجہد کی تعریف کی۔