آج مظفر آباد کے خوبصورت شہر میں آزادجموں وکشمیر میڈیکل کالج کا چوتھا اور سی ایچ پی ای کا پہلا کانووکیشن میڈیکلآ کالج کے خوبصورت آڈیٹوریم میں خوبصورت موسم میں 21 مارچ بروز منگل منعقد ہوا
ان کانووکیشنز میں آزادحکومت ریاست جموں وکشمیرکے سینئرموسٹ وزیر خواجہ فاروق احمد نے بحیثیت مہمان خصوصی شرکت کی۔
تقریب میں سیکرٹری صحت عامہ آزادکشمیر میجر جنرل ظہیر اختر، وائس چانسلر یونیورسٹی آف ہیلتھ سائنسز لاہور پروفیسر ڈاکٹراحسن وحید راٹھور ،وائس چانسلر خیبر میڈیکل یونیورسٹی ڈاکٹر ضیاء الحق، پرنسپل آزادجموں وکشمیر میڈیکل کالج پروفیسر ڈاکٹرمُلازم حسین بخاری، فیلکٹی ممبران اور ایم بی بی ایس مکمل کرنے والے طلبا و طالبات اور انکے والدین بھی شریک تھے۔
بارہ بجے کالج ایکڈیمک کونسل اور فیکلٹی کا پروسیشن جیسے ہی آیڈرٹوریم میں داخل ہو تمام شرکا نے کھڑے ہو کر انکا استقبال کیا۔
پرنسپل میڈیکل کالج پروفیسر ڈاکٹر ملازم حسین بخاری نے پروفیسر مُلازم حسین بخاری کانووکیشن میں آزاد جموں کشمیر میڈیکل کالج کی سالانہ رپورٹ پیش کی۔
مہمان خصوصی سینیر وزیر خواجہ فاروق احمدنمایاں پوزیشنز حاصل کرنے والے طلبہ کو ایوارڈ دیے۔ وائس چانسلر یونیورسٹی آف ہیلتھ سائنسز لاہورپروفیسر ڈاکٹر احسن وحید نے فارغ التحصیل طلبا و طالبات سے حلف لیا۔
مہمان خصوصی سینئر وزیر خواجہ فاروق احمد، سیکرٹری صحت عامہ، وائس چانسلرز یونیورسٹی آف ہیلتھ سائنسز لاہور اور خیبر میڈیکل یونیورسٹی پشاور نے فارغ التحصیل ہونے والے طلبہ کو ڈگریاں دیں، طلبہ کو مبارکباد دیتے ہوئے انکے والدین اور اساتذہ کو خراج تحسین پیش کیا۔ تقریب سے خطاب کرتے ہوئے مہمان خصوصی سینئر موسٹ وزیر خواجہ فاروق احمد نے کالج کے پرنسپل اور فیکلٹی کی کوششوں کو سراہا اور بچوں کے والدین کو مبارک باد پیش کئ اور کہا ان کی دولت آج یہ بچے ایم بی بی ایس کی ڈگری حاصل کرنے کے قابل ہوئے ہیں۔ انہوں نے کہاکہ فارغ التحصیل ہونے والے طلبا و طالبات کو مبارکباد پیش کرتاہوں، آج یہ طلبہ اپنی ڈگریاں مکمل کر کے عملی زندگی میں داخل ہورہے ہیں،ان کے والدین اور استاتذہ خراج تحسین کے مستحق ہیں جن کی بدولت آج انہیں کامیابی ملی۔
انہوں نے میڈیکل کالج کی کارکردگی پر بھی اطمینان کا اظہار کیا۔ انہوں نے کہاکہ ایم بی بی ایس مکمل کرنے والے طلبہ خدمت خلق کو اپنا شعار بنائیں اور بلاتفریق لوگوں کو سہولیات فراہم کرنے میں اپنا کردار ادا کریں۔ اس موقع پر سینئر موسٹ وزیر خواجہ فاروق احمد نے وزیراعظم سردارتنویر الیاس خان کی جانب سے ادارے کیلئے پندرہ لاکھ روپیکا اعلان کرتے ہوئے کہاکہ محدود وسائل کے باوجود آزادکشمیر میں میڈیکل کے شعبہ کی ترقی کیلئے وسائل فراہم کریں گے۔
پرنسپل آزاد جموں کشمیر مظفر آباد کے ایک مطالبے پر انہوں نے مذید کہاکہ میں آزادکشمیر میں میڈیکل یونیورسٹی کے قیام کیلئے اپنا بھرپور کردار ادا کروں گا،میڈیکل یونیورسٹی کے قیام کے حوالہ سے معاملہ کابینہ میں اٹھاوں گا۔
تقریب سے خطاب کرتے ہوئے وائس چانسلریونیورسٹی آف ہیلتھ سائنسز لاہور پروفیسر احسن وحید راٹھورنے کہاکہ فارغ التحصیل طلبہ کو مبارکباد پیش کرتاہوں، آج وہ ڈاکٹر بن گئے ہیں اور ان کی ذمہ داریاں بھی بڑھ گئی ہیں، ڈاکٹر بننا بہت بڑے اعزاز کی بات ہے، فارغ التحصیل طلبہ نے اس عزت اور وقار کو سنبھال کر رکھنا ہے اور بلاتفریق انسانیت کی خدمت کرنی ہے۔ انہوں نے کہاکہ آزادکشمیر میں الائیڈ ہیلتھ سائنسزز، ڈینٹل کالج ، نرسنگ کالج سمیت دیگر پوسٹ گریجویٹ پرواگرمز کے سلسلہ میں بھرپور تعاون کریں گے۔
وائس چانسلر خیبر میڈیکل یونیورسٹی پشاور ڈاکٹر ضیاء الحق نے کہاکہ آج یہاں سے فارغ التحصیل ہونے والے طلبہ کو جو کامیابی ملی ہے اس میں اصل کردار ان کے والدین اور پھر انکے اساتذہ کا ہے۔ انہوں بخاری گولڈ میڈل کو اعلان بھی کیا جو یونیورسٹی ایم ایچ پی ای کشمیر کے بہترین کارکردگی ظاہر کرنے والے طلبا کو دیا جائیگا۔
آزادکشمیر کی میڈیکل پوسٹ گریجویشن میں مختص نشستوں میں اضافہ کیلئے اپنا کردار اادا کروں گا، آزادکشمیر کے طلبہ کو فرانزک،میڈیسن سمیت دیگر کورسز کروائیں گے۔
قبل ازیں تقریب سے خطاب کرتے ہوئے پرنسپل آزادجموں وکشمیر میڈیکل کالج پروفیسر ڈاکٹر سید مُلازم حسین بخاری نے کہاکہ ادارہ نے اپنے قیام کے بعد اعلیٰ کاکردگی کا مظاہرہ کیا ہے اور تعلیمی معیار میں یہ ادارہ بہت آگے ہے، انہوں نے کہا کہ کالج ٹیچنگ کاکردگی کے علاوہ ٹیلی میڈیسن، ریسرچ لیبز پر تسلی بخش کام کر رہا ہے۔ انہوں نے کہاکہ مظفرآباد میں پہلی کشمیر فرانزک لیب اور جنیٹک لیب قائم کرنے جارہے ہیں۔ انہوں نے کہا آزادکشمیریونیورسٹی آف میڈیکل سائنسز کے قیام کیلئے زمین الاٹ ہو چکی ہے اس کے قیام کیلئے حکومت تعاون کرے۔
انہوں نے کہاکہ سیلاب متاثرین کی بحالی کیلئے اس ادارہ نے خیر پور ناتھن شاہ ضلع دادو سندھ میں 25 گھر بنا کر دیے ہیں جبکہ مذید پانچ گھر زیر تعمیر ہیں اس کے علاوہ دادو میں سڑک اور مسجد تعمیر کی۔
کانووکیشن کے اختتام پر مہمان خصوصی خواجہ فاروق احمد، سیکرٹری صحت عامہ، وائس چانسلرز یونیورسٹی آف ہیلتھ سائنسز لاہور اور خیبر میڈیکل یونیورسٹی پشاور نے ادارہ کے فیکلٹی ممبران کو اعلیٰ کارکردگی پر تعریفی سرٹیفکیٹس بھی دیے۔